Устав фондига киритилган пулсиз ҳисса ва амалга ошмаган кўпайтириш

Корхона — МЧЖ (ҚҚС ва фойда солиғи тўловчиси). Фаолияти — чакана ва улгуржи савдо. 2025 йил октябрь ойида таъсисчилар умумий йиғилишида устав фондини 3 млрд сўмга ошириш тўғрисида қарор қабул қилинди. Қарорга кўра, киритилган улушлар умумий миқдори 3 млрд сўмга етганида янги уставни рўйхатдан ўтказиш учун Ягона Дарчага ариза топширилади. 02.12.2025 йилда таъсисчилардан бири (резидент, жисмоний шахс) устав фондига улуш сифатида 962 млн сўмлик гўшт киритилди. Шу қабул-топшириш далолатномаси расмийлаштирилди. Гўштнинг қиймати таъсисчилар йиғилиши қарори билан тасдиқланган, мустақил баҳоловчи хулосаси олинмаган. Гўшт таъсисчи томонидан бозордан олинган (харид қилишни тасдиқловчи ҳужжатлар мавжуд эмас). 02.12.2025 ҳолатига янги устав фонди 3 млрд сўм тўлиқ шаклланмаганлиги сабабли Ягона Дарчада рўйхатдан ўтказилмаган.