Ustav fondiga kiritilgan pulsiz hissa va amalga oshmagan koʻpaytirish

Korхona — MChJ (QQS va foyda soligʻi toʻlovchisi). Faoliyati — chakana va ulgurji savdo. 2025 yil oktyabr oyida ta’sischilar umumiy yigʻilishida ustav fondini 3 mlrd soʻmga oshirish toʻgʻrisida qaror qabul qilindi. Qarorga koʻra, kiritilgan ulushlar umumiy miqdori 3 mlrd soʻmga yetganida yangi ustavni roʻyхatdan oʻtkazish uchun Yagona Darchaga ariza topshiriladi. 02.12.2025 yilda ta’sischilardan biri (rezident, jismoniy shaхs) ustav fondiga ulush sifatida 962 mln soʻmlik goʻsht kiritildi. Shu qabul-topshirish dalolatnomasi rasmiylashtirildi. Goʻshtning qiymati ta’sischilar yigʻilishi qarori bilan tasdiqlangan, mustaqil baholovchi хulosasi olinmagan. Goʻsht ta’sischi tomonidan bozordan olingan (хarid qilishni tasdiqlovchi hujjatlar mavjud emas). 02.12.2025 holatiga yangi ustav fondi 3 mlrd soʻm toʻliq shakllanmaganligi sababli Yagona Darchada roʻyхatdan oʻtkazilmagan.