Мирфаязов Мирджалал Джуратович
Юридик шахс (МЧЖ ёки ХК) давлат рўйхатидан ўтганида жисмоний шахснинг уй манзили кўрсатилган бўлса, демак жисмоний шахс юридик шахсга ўз уйидан жой беряпти. Бундай битимлар юридик жиҳатдан тўғри расмийлаштирилган бўлиши керак. Яъни, юридик шахс билан жисмоний шахс ўртасида жойни ижарага бериш тўғрисида шартнома тузилади, оилавий корхона ўз оиласига тегишли уйда фаолият юритиши ҳолатлари бундан мустасно.
Жисмоний шахс юридик шахсга ёки якка тартибдаги тадбиркорга ўз уйидан ижарага жой берса, у ҳолда ушбу жисмоний шахсдан ижарага берилган жой бўйича ер солиғи юридик шахслар учун белгиланган ставкада ундирилади, СКнинг 290-моддасида белгиланган имтиёзлар эса бундай вазиятда қўлланмайди. Ўзига тегишли участкада яшаш билан бирга тадбиркорлик билан шуғулланса, ер солиғи жисмоний шахслар учун белгиланган ставка бўйича тўланади (СКнинг 291-моддаси).
Ответы актуальны на дату публикации.