Устав фондидаги улушни оширишнинг солиқ оқибатлари

МЧЖ шаклидаги корхона ўзи учун хўжалик усулида янги бино қурди. Бино қурилиши учун корхонанинг молиявий имконияти тўлиқ етмади. Корхона ўз ҳисобидан 850 млн. сўмли қурилиш молларини сотиб олди. Ундан ташқари 230 млн. сўмли харажат жисмоний шахс бўлмиш таъсисчи томонидан нақд пулда тўланди. Бино қуриб тайёр қилинганидан сўнг корхона балансига 1 080 млн. сўмли қиймат билан кирим қилинди. Таъсис ҳужжатларига кўра корхонанинг устав фонди 1 000 млн. сўмни ташкил этади ва 2 та таъсисчи 50%дан улушга эга. Улар корхона устав фондини оширишга қарор қилишди, яъни қурилишга 230 млн. сўм сарфлаган таъсисчининг корхона устав фондидаги улуши шу суммага оширилади.