Ариза имзоланмасдан туриб таътилга чиқиб кетган ходимга ҳайфсан бериш мумкинлиги

Раҳбар ассистенти 2020 йил 10 январдан таътилга ариза ёзган. Раҳбарга имзолаш учун қолдирган. Раҳбар аризани 9 январда, ходима ўз вазифаларини (компания ходимларини ўқитиш мўлжал қилинаётганлиги муносабати билан чипталарни харид қилиш ва меҳмонхоналардан жой брон қилиш, шунингдек кофе-брейклар ташкил қилиш билан шуғулланиш) бошқа ходимга топширганидан кейин имзолашини айтган. Ходима ҳамма ишларни уйдан туриб, масофадан бажаришини айтган. Таътилга чиқишидан бир кун олдин у раҳбарни учрата олмаган ва тегишинча, ариза имзоланмаган. Кейинги куни у ишга чиқмаган. Раҳбар у ишга чиқишини ва вазифаларини топширишини талаб қилган, лекин ходима таътилда эканлиги билдирган. Ҳозир раҳбар унга ҳайфсан беришни талаб қиляпти.