Meva-sabzavot eksport qilinayotganda fitosanitar sertifikati olish talab etiladi. Vazirlar Mahkamasining 2018 yil 29 yanvardagi 65-son qaroriga 3-ilovaga muvofiq ushbu sertifikatni olish uchun 1000 kg dan ortiq yuk ortilgan bir transport birligi uchun eng kam oylik ish haqining ellik foizi miqdorida yigʻim undiriladi. Ushbu yigʻim summasi ayni kunda 111 500 soʻmni tashkil etadi. Sertifikat bilan birga zararsizlantirish dalolatnomasi ham taqdim etiladi. Karantin inspeksiyasidagilar aytishicha, transport vositasining hajmiga muvofiq (har bir kub metr) toʻlov undirilar ekan.