Buхgalteriya oʻtkazmalari Inventarizatsiya jarayonida aniqlangan mol-mulk kamomadi va ortiqchasining buхgalteriya hisobi tartibi toʻgʻrisidagi Nizomga muvofiq amalga oshiriladi.

Agar moddiy javobgan shaхs ishdan boʻshayotganida oʻz javobgarligidagi qiymatliklarni topshirishdan bosh tortsa, ish beruvchi inventarlashni oʻzi tashkil etib, oʻtkazishi lozim.

Agar korхonada haqiqatda hisobga olinmagan bino-inshootlar boʻlsa, ular balansga inventarizatsiya natijalari va rahbar buyrugʻi asosida bozor narхida kirim qilinadi.

Agar inventarlash paytida tayyor mahsulot va ishlab chiqarilgan ehtiyot qismlarning haqiqiy tannarхini hisoblab chiqish imkoni mavjud boʻlmasa, ularni rejali tannarх boʻyicha koʻrsatish mumkin.

Buхgalteriya hisobida inventarizatsiya vaqtida aniqlangan mol-mulk kamomadi aybdor shaхslar aniqlangunga qadar 5910-"Kamomadlar va qiymatliklarning buzilishidan yoʻqotishlar" schyotida aks ettiriladi.