Javob beramiz
Xatolarni tuzatish
Hisob-raqamga notoʻgʻri maqsad bilan kirim qilingan pulning maqsadini tuzatish
Agar fermer xoʻjaligining haqiqatda ustav fondini shakllantirish (oshirish) maqsadi boʻlgan boʻlsa, bunga muvofiq fermer xoʻjaligi boshligʻining qarorlari boʻlishi lozim.
Notugʻri maqsadda tushgan mablagʻni tasarruf etish mumkinmi?
Notugʻri maqsadda kelib tushgan mablagʻlar toʻlovchi tashkilotga qaytarilishi lozim.
Xato kelib tushgan pul mablagʻlaridan qanday turdagi soliqlar toʻlanadi va ularga qanday buxgalteriya provodkalari beriladi? Ushbu mablagʻlar qaysi soliq hisobotida, qaysi ilovasida va qanday tartibda aks ettiriladi?
Korxonangiz xato kelgan pullarni plastik karta egalariga qaytarishi zarur. Uni daromad sifatida oʻz hisobraqamida qoldirishga asos boʻluvchi qonuniy hujjat yoʻq.
Aniqlashtirilgan soliq hisobotidan soʻng hisoblangan penya ham qayta hisob-kitob qilinishi kerakmi? Agar mavjud penya toʻliq toʻlab berilgan boʻlsa ham, aniqlashtirilgan soliq hisoboti natijasida ortiqcha hisoblangan penya yuridik shaxsning shaxsiy kartochkasida kamayishi kerakmi?
Ha, aniqlashtirilgan hisobotda kamaygan soliq summasiga hisoblangan penya belgilangan tartibda oldindan toʻlov hisobga olinadi va qaytariladi.
1060 schetida hisobda turgan kamomadni qanday qilib buxgalteriya balansidan chiqarish mumkin? Bunda buxgalteriya oʻtkazmalari qanaqa boʻladi?
Omborxonada mavjud boʻlmagan, ammo buxgalteriya balansida aks ettirilgan idish (tara)larni belgilangan tartibda inventarlash orqali hisobdan chiqarishingiz mumkin.
1.Oʻquv ta’tiliga yuborilgan xodimga oʻrtacha oylik ish haqi qanday hisoblanadi? 2.Agar notoʻgʻri hisoblangan boʻlsa, 2016 yil uchun qayta hisob-kitob qilinishi hamda soliq boʻyicha hisobotlar qayta topshirilishi kerakmi? 3.Xodimga koʻp oʻrtacha oylik ish haqi hisoblangan boʻlsa, ortiqcha hisoblangan ish haqi qay tartibda qaytariladi?
Oʻrtacha oylik ish haqi VMning 11.03.1997y. 133-sonli qarori bilan tasdiqlangan tartibga asosan hisoblab chiqariladi. Hisob-kitoblarda xatoliklarga yoʻl qoʻyilgan boʻlsa, siz da’vo qilish muddati ichida (5 yil) aniqlashtirilgan soliq hisobotini taqdim etish huquqiga egasiz.
Soliq tekshiruvi natijalarini buxgalteriya hisobida qanaqa oʻtkazmalar bilan aks ettirish lozim: 1. JShDS boʻyicha qoʻshimcha hisoblangan va toʻlangan soliq summasini? 2. Fuqarolarning majburiy sugʻurta badallari boʻyicha kamaytirishga hisoblangan summani? 3. Kamaytirishga hisoblangan YaIT? 4. Kamaytirishga hisoblangan soliq summalari YaSTga tortiladigan daromad hisoblanadimi? 5. Ushbu oʻzgarishlarni buxgalteriya balansida va moliyaviy natijalar toʻgʻrisidagi hisobotida aks ettirish kerakmi?
Oʻtgan yil hisobot ma’lumotlaridagi tuzatishlar uning ma’lumotlarini buzishlar aniqlangan hisobot davri uchun tuzilgan hisobotda amalga oshiriladi, bunda tuzatishlar hisobot davri uchun ma’lumotlarga kiritiladi. Sizning xalatingizda soliq tekshiruvi natijasida 2011-2015 yillar uchun aniqlangan xatolar, joriy 2016 yildagi moliyaviy hisobotlarda tuzatiladi.
Xatolar aniqlanganda oʻtgan soliq davri uchun hisobot topshirish
Oʻtgan soliq davri uchun (aniqlashtirilgan) soliq hisobotlarini qayta topshirish kerak albatta, chunki soliq solish soliq majburiyatlari yuzaga kelgan paytda amalda boʻlgan qonun hujjatlariga muvofiq amalga oshiriladi (Soliq kodeksining 3-moddasi). Moliyaviy hisobotlarni qayta topshirish kerak emas.
Bizning Facebook
Telegram kanali @uz_buxgalter
