Sizda eksport har xil valyutada amalga oshirilganligi sababli, QQS hisoboti 2 ilovasining izoh qismida (jadvaldan pastda) koʻrsatilganday, 0411 va 0412 satrlar soʻmda toʻldiriladi.

Ha, tovarlar tannarxidan yoki tovarlar olingan narxdan past narxlarda realizatsiya qilingan taqdirda soliq solish maqsadlari uchun soliq solinadigan baza tovarlarning tannarxidan yoki tovarlar olingan narxdan kelib chiqib belgilanadi. (2 abzats, 204- modda, SK).

Agar QQS solinadigan va solinmaydigan tovarlar boʻyicha bitta hisobvaraq-faktura chiqarilgan boʻlsa, Reyestrning 6-ustunida QQSga tortilgan tovar summasi QQSsiz, 7-ustunida u boʻyicha QQS summasi koʻrsatiladi.

Umumiy ovqatlanish korxonalarida alkogolli mahsulotlarni sotish huquqini beruvchi ruxsat guvohnomasi asosida alkogolli mahsulotlar sotishdan tushumga umumiy ovqatlanish korxonalari uchun belgilangan 8 foizlik stavkada YaST solinadi.

QQS ajratib koʻrsatilgan schyot-faktura va uni oʻrnini bosuvchi hujjatlarning hammasini, qanaqa oborotlarda ishlatilishidan qatiy nazar, QQS hisob-kitobining 4-ilovasida aks ettiring.

Tannarxidan past naxda sotilgan mahsulot boʻyicha ma’lumot QQS hisobotining 0103-satrida aks ettiriladi. Lekin ushbu qoida QQSdan ozod etilgan oborotlarga tadbiq etilmaydi.