Korxona asosiy vositaning foydali xizmat muddatini qayta koʻrib chiqishi va uzaytirishi mumkin.

Operatsion ijaraga berilgan asosiy vosita boʻyicha amortizatsiya umumiy tartibda hisoblanadi. Ijara toʻlovi summasi amortizatsiya summasidan kam boʻlishi mumkin.

Toʻliq eskirgan asosiy vosita bozor qiymatida sotilganda sotuvchida soliq oqibatlari yuzaga keladi, xaridor esa uni belgilangan mezonlarga muvofiq asosiy vosita sifatida hisobga olib, amortizatsiya hisoblashi mumkin.

Koʻchmas mulk korxona balansida dastlab tan olinganida, kadastr qiymatida emas, balki uni kirim qilishdagi hujjatda koʻrsatilgan qiymatda aks ettiriladi.

Agar korxona kvartiradan xoʻjalik faoliyatida foydalanish, shu jumladan ijaraga berish uchun foydalansa, u asosiy vosita deb tan olinadi.

Asosiy vositalarga amortizatsiya hisoblashning siz aytayotgan proporsional usuli umuman mavjud emas.

Agar ta’mirlash xarajatlari binoning boshlangʻich qiymatini oshirsa, oy oxirida amortizatsiya oshgan qiymatidan hisoblanadi.

Asosiy vositalaringiz ishlatilayotgan yoki ishlatilmayotganligidan qat’iy nazar, ularga eskirish hisoblanishi shart.

Korxonangizning faoliyati toʻxtatib qoʻyilgan fabrikasidagi asosiy vositalarga eskirish ular sotilgan oydan keyingi oyning 1-sanasidangina toʻxtatiladi.

Amortizatsiya ajratmalari 5-sonli BHMS 32-bandida istisno tariqasida koʻrsatib oʻtilgan hollardagina hisoblash toʻxtatiladi.

Korxonangiz asosiy vositalarning oʻziga kirim qilinganidan keyingi foydali xizmat muddatini va amortizatsiya qilish usulini mustaqil ravishda aniqlab, hisob siyosatida aks ettirishi lozim.

Ishlab chiqarish uskunasiga hisoblangan amortizatsiya summasi ishlab chiqarilayotgan mahsulot tannarxiga olib boriladi.

Koʻchmas mulk ob’yektlari asosiy vositalar tarkibiga kiritilmagan davrda ishlab chiqarilgan mahsulot tannarxiga ushbu asosiy vositalarning eskirishini kiritish imkoniyati yoʻq.

Asosiy vosita qayta baholanganidan keyin amortizatsiya uning qayta baholangan qiymatidan hisoblanadi