Agar mahsulotlar, tovarlar yoki boshqa mol-mulklar bepul berilsa, shu jumladan bepul foydalanishga berilsa yoki bepul xizmatlar koʻrsatilsa, QQS bozor narxlaridan kelib chiqqan holda hisoblanadi.

Yuridik shaxs tuzilgan pudrat yoki xizmat koʻrsatish shartnomasi asosida ta’mirlash-qurilish ishlarini bajarish uchun yakka tartibdagi tadbirkorni jalb qilishga haqli. Shartnoma boʻyicha olingan daromadlardan soliqlarni hisoblab chiqarish va toʻlash majburiyati yakka tartibdagi tadbirkorga u qoʻllayotgan soliq rejimiga muvofiq yuklatiladi.

Ha, YaTT soliq agenti sifatida yollangan xodimlarning daromadlaridan JShDS va ShJBPHga majburiy ajratmalarni ushlab qoladi va toʻlab beradi.

Yoʻq, bunda korxona JShDS va ijtimoiy soliq toʻlamaydi, YaTT oʻz faoliyatidan soliqlarini oʻzi toʻlaydi.

YaTT xarid qilingan tovarlarini ularning hisobini yuritadigan kitobiga qayd etib qoʻyishi kerak.

Savolga Soliq qoʻmitasining Soliq nizolarini sudgacha hal qilish boshqarmasi boshligʻi Gulnora NIZAMUTDINOVA javob berdi

Agar maishiy texnikani sotuvchi shaxslar onlayn-NKM yoki virtual kassa chekini taqdim etmasa, bunday tovarni xarid qilish maqsadga muvofiq emas.

Xarid qilish chogʻidagi NKM chekining berilmaganligi xaridorda «kirim qilinmagan tovar» deb tan olinib, jarima va qoʻshimcha soliq solishga asos emas.

Oʻzini oʻzi band qilgan shaxslar mehnat staji hisoblanishi uchun ixtiyoriy tartibda yiliga 1 marta kamida 1 BHM miqdorida ijtimoiy soliq toʻlaydilar.

Jismoniy shaxslarga xususiy mulk huquqi asosida tegishli boʻlgan mol-mulkni sotishdan olinadigan daromadlarga JShDS solinmaydi.

YaTT – bu yakka tartibdagi tadbirkor sifatida davlat roʻyxatidan oʻtib, tadbirkorlik faoliyatini yurituvchi jismoniy shaxs. U VMning 7.01.2011 yildagi 6-son qarori bilan tasdiqlangan roʻyxatdagi faoliyat turlari bilan shugʻullanishi mumkin.