Zinapoya panjarasidagi elektr shchitini texnik holati va ta’mirlash boʻyicha javobgarlik

Bizga zamonaviy elektr hisoblagichni oʻrnatishdi. U juda katta koʻrsatkichlarni koʻrsata boshladi. Haqiqatda biz bunchalik koʻp elektr energiyasidan foydalanmaymiz. Tuman elektr stansiyasi (TES) xodimini chaqirtirdik. U ham koʻrsatkichlar oshirib yuborilganini tan oldi. Bunda yoʻlakka oʻrnatilgan elektr shchitning texnik holati sababchi boʻlayotganini, uni tuzatish lozimligini aytdi. Elektr shchitga koʻz tashlaganimda men ham shunga amin boʻldim. Hatto mutaxassis boʻlmagan odam ham bu raqamlar nihoyatda katta ekanligini tushunar edi. Simlarning hammasi eski, chalkashib yotibdi, ochilib, izolyatsiyasiz qolgan joylari ham koʻp. Tagʻinam mening hisoblagichim yaxshiroq edi. Ikki qoʻshnimning hisoblagichlari esa umuman simida osilib yotibdi. Hisoblash asboblarini oʻrnatishga jalb etilgan pudratchilar ishlarni biz yoʻqligimizda bajarishgan. TES xodimi bunda oʻzimiz aybdorligimizni aytdi.