MChJ ta’sischi oldidagi qarzini qisman soʻndirganida JShDS boʻyicha soliq oqibatlari kelib chiqmasligi

MChJ aylanmadan soliq toʻlaydi. 05.01.2017 yildagi ta’sischilarining №1-sonli bayonnomasi bilan ustav kapitalini 500 mln.soʻmga oshirilishi belgilandi va 2017-2018 yillarda jami 205 mln soʻmlik pul mablagʻlari va mol-mulk kiritildi va 6630 hisobvaraqning kreditida ushbu qarz summasi aks ettirildi. 2018-2019 yillarda jamiyat faoliyati toʻхtatildi, pul mablagʻlarining qolgan qismi kiritilmadi va UF miqdori oʻzgarishsiz qoldirildi. Shu sababli kiritilgan 205 mln.soʻmli mulk ta’sischilarga qaytarilishi belgilandi. Jamiyat balansidagi avtotransport qoldiq qiymatida, ya’ni 31 mln.soʻm evaziga ta’sischiga berildi. Jamiyatning ta’sischilar oldidagi qarzi 31 mln.soʻmga kamayib 174 mln (205-31) soʻmni tashkil etdi. Oʻsha ta’sischining hozirgi kundagi UFdagi ulushi 12 mln.soʻmni tashkil etadi. DSI avtotransportni berishdagi narх 31 mln.soʻm va ta’sischining UFdagi ulushi 12 mln.soʻm oʻrtasidagi 19 mln.soʻm farqni ta’sischining daromadi sifatida baholamokda va bundan daromad soligʻi toʻlanishini talab qilmoqda.