Didox.uz saytidan shartnomalarni joʻnatish va qabul qilish boʻyicha savol joʻnatgan edik va unga javob oldik. Faktura.uz saytida ham shartnomani almashish funksiyasi mavjud ekan. Didox.uz dan farqli oʻlaroq Faktura.uz da shartnomani biriktirasiz va joʻnatishda ERI bilan tasdiqlaysiz hamda ikkinchi taraf ham uni ERI bilan tasdiqlab, qabul qilib oladi. Ikki taraf ham imzolagandan soʻng tayyor boʻlgan faylda kuar kod paydo boʻladi va buni tekshirib koʻrish imkonini beradi (Didox.uz da kuar kod paydo boʻlmasdi va buni tekshirishning imkoni yoʻq edi). Didox.uz da shartnoma almashish shartnoma qogʻoz shaklini ikki taraf imzolab, muhr qoʻyib rasmiylashtirganga tenglashtirilmasligini tushuntirib bergan edingiz.