Yakuniy tekshiruvda hisoblangan soliqlarni bekor qilish

Korxona 20.01.2020 yilda davlat xizmatlari markazi orqali ixtiyoriy tugatish boʻyicha ariza topshirgan. DSI tomonidan korxonani ixtiyoriy tugatish boʻyicha 2020 yil iyul oyida yakuniy soliq tekshiruvi oʻtkazilgan. Mazkur tekshiruv qaroriga asosan korxonaning ta’sischilar oldidagi 161 606,86 ming soʻm miqdoridagi qarzdorligi korxonaning boshqa daromadlari tarkibiga kiritilib undan 8 % stavkada, ya’ni 12 928,55 ming soʻmlik soliq qoʻshimcha hisoblangan. Birok korxona sentyabr oyidan boshlab yana oʻz faoliyatini qayta tiklashga qaror qildi va bu boʻyicha tuman davlat xizmatlari markaziga tegishli ariza topshirdi. Davlat xizmatlari markazi tomonidan reyestrga tegishli oʻzgartirish kiritildi. Korxonaning ta’sischilar oldidagi karzdorligi esa korxona ustav kapitalini oshirishga yunaltirishi boʻyicha ta’sischilarning qarori qabul qilindi va korxonaning ta’sis xujjatlari oʻzgartirildi. Ushbu oʻzgarishlardan kelib chikib, DSIga tekshiruv natijasiga koʻra hisoblangan soliqlarni kamaytirib berish boʻyicha murojaat yuborildi.