Koʻmirni sotishda QQS

VMning «Koʻmirning ulgurji-sotish narxiga maxsus ustama miqdorini oʻzgartirish toʻgʻrisida» 2015 yil 31 martdagi 75-son qarori bilan koʻmir tarmogʻi korxonalari tomonidan sotiladigan koʻmirning ulgurji-sotish narxiga qoʻshimcha maxsus ustama 54000 soʻm etib belgilangan. VMning «Respublika aholisi va byudjet tashkilotlariga koʻmir mahsulotlari yetkazib berish mexanizmini takomillashtirishga doir qoʻshimcha chora-tadbirlar toʻgʻrisida» 30.12.2016-yil 422-sonli qarori 10-bandida koʻmir tarmogʻi korxonalari tomonidan sotiladigan koʻmirning ulgurji-sotish narxiga qoʻshimcha maxsus ustama soliq solinadigan bazaga kiritilmasligi belgilab qoʻyilgan.Yuqoridagilarga asosan korxonamiz koʻmirning ulgurji-sotish narxiga qoʻshimcha maxsus ustama boʻyicha QQS hisoblamagan. DSQning 28.01.2021 yildagi 33/20-04351-sonli xat berdi, unda koʻmir tarmogʻi korxonalari tomonidan sotiladigan koʻmirning ulgurji-sotish narxiga qoʻshimcha maxsus ustama uchun QQS imtiyozi 27.06.2019 yildagi PF №5755 ga asosan bekor qilinganligi yozilgan va maxsus ustamadan QQS hisoblash talab qilinmoqda.