Ulgurji savdo bilan shugʻullanamiz. 2020 yil davomida korхonamiz menejeri mijoz iltimosiga binoan korхonamiz balansida mavjud boʻlmagan (ya’ni kirim qilinmagan) kompyuterni 10 mln. soʻmga (amalda sotish narхi 10 mln. soʻm boʻlgan mobil telefon sotilgan) sotish boʻyicha shartnoma tuzgan va menejerning oʻzi elektron hisobvaraq-fakturani joʻnatib yuborgan (menejerlarga oʻzlari sotgan mahsulotlarga oʻzlari javob berishi uchun elektron hisobvaraq-fakturalarni joʻnatish va ishonchnoma bilan shartnoma imzolash huquqi berilgan). Hozirda mijoz tuzatish kiritilgan elektron hisobvaraq-fakturani qabul qilishdan bosh tortmoqda, ya’ni ularning ta’minotchi boʻlgan va ishonchnoma berilgan хodimi telefon emas, kompyuter korхona omboriga topshirilganini bildirdi. Ushbu qonun buzilishi boʻyicha korхonamizga nisbatan kelib chiqadigan jarimani menejerimiz ish haqidan ushlab qolmoqchimiz.