Shahar hududidan oʻtgan 4R-176 “Nukus-Chimboy-Taхtakoʻpir”avtomobil yoʻlining Ye. Alakoʻz va J. Aymurzayev koʻchalari kesishmasida svetofor oʻrnatilgan boʻlib, ushbu kesishmaga oilaviy poliklinika yonidan oʻtgan koʻchadan harakatlanib chiqishda svetoforning yashil chirogʻida toʻgʻriga va chapga harakatlanishga ruхsat berilgan. Lekin YHXB tomonidan poliklinika yonidan oʻtgan koʻchaning Ye. Alakoʻz koʻchasi bilan kesishgan joyiga svetoforda avariya holati boʻlayotganligini koʻrsatib, 4.1.2 “Harakatlanish oʻngga” yoʻl belgisini (muayyan kesishmada talab etilgan harakat yoʻnalishiga tegishli yoʻnaltirgichning shakli tushirilgan 4.1.1-4.1.6 belgilarini qoʻllash mumkin) shahar hokimi qarorisiz oʻrnatilgan. Natijada toʻgʻriga oʻtgan mashina haydovchilari jarimaga tortilmoqda.