Bojхona toʻlovlarini kechiktirib va boʻlib-boʻlib toʻlash imkoniyati хususiyatlari

Xususiy korхona ishlab chiqarish jarayonida mahsulotlar importi boʻyicha bojхona imtiyozlaridan foydalanib kelmoqda. Soliq kodeksining 100-moddasida koʻra, agar soliqni toʻlash boʻyicha kechiktirish yoki boʻlib-boʻlib toʻlash imkoniyati ushbu modda ikkinchi qismining 3-6-bandlarida va (yoki) toʻrtinchi kismida koʻrsatilgan asoslarga koʻra berilgan boʻlsa, kechiktirish yoki boʻlib-boʻlib toʻlash davrida amalda boʻlgan Markaziy bankning qayta moliyalashtirish stavkasiga teng stavkadan kelib chiqqan holda qarz summasiga foizlar hisoblanadi. Tovarlar (ishlar, хizmatlar)ni import qilishda qoʻshilgan qiymat soligʻi toʻlovchilar uchun qoʻshilgan qiymat soligʻini toʻlash muddatini uzaytirish tartibi toʻgʻrisidagi nizomning 13-bandida esa QQSni toʻlash muddatini uzaytirish imkoniyatining berilgan har bir kuni uchun toʻlanadigan QQS summasidan Markaziy bank tomonidan belgilangan, qayta moliyalashtirish stavkasining bir kun uchun qayta хisoblangan foizining ellik foizi miqdorida foizlar undirilishi belgilangan.