Mehnat ta’tili uchun haq hisoblash

Mazkur savol ID-21297 sonli javobning 1-bandini aniqlashtirish uchun yoʻllanmoqda. Xodimga yillik mehnat ta’tili hisob-kitob qilinishidan avvalgi 12 oyning dastlabki 8 oyida faqat davriy oʻquv ta’tili, keyingi 4 oylik davrida oylik ish haqi va mukofot pullari toʻlangan. Mehnat ta’tili vaqtiga haq toʻlash uchun oʻrtacha ish haqini hisoblashda VMning 1997 yil 11 martdagi 133-son qaroriga 6-ilovasiga asosan ishbay asosida ishlab topilgan qoʻshimcha ish haqi, mukofot, qoʻshimcha toʻlovlar, ish haqiga qoʻshimcha haqlar va ijtimoiy sugʻurta boʻyicha badallar hisoblanadigan boshqa toʻlovlar hisobga olinishi belgilangan.