Davlat kompaniyasida investitsiyaning aks ettirilishi

Ustav fondi 100 mln soʻm boʻlgan Mas’uliyati cheklangan jamiyat (davlat ulushi – 100%). Davlat mulkini boshqarish Agentligi ta’sischi sifatida davlat nomidan chiqqan. Vazirlar Mahkamasining qaroriga binoan (21.02.2013y. VMQ-51), davlatning yuz foizlik ulushi boshqa davlat kompaniyasiga (AJ «Oʻzavtosanoat, bu ham, 100% davlatga tegishli), davlat ulushini oshirish maqsadida, baholash kompaniyasi tomonidan oʻtkazilgan baholangan qiymat boʻyicha oʻtkazildi. Baholangan qiymat 50 mlrd soʻmni tashkil qildi va kompaniyaning (AJ «Oʻzavtosanoat») ustav fondi shu summaga oshirildi. Qoʻshimcha ma’lumot: MChJni davlat kompaniyasi tarkibiga oʻtkazish avvalgi yillarda amalga oshirilgan. MChJga kiritilgan investitsiyalar hozirgi paytda Davlat kompaniyasining balansida qiymati 50 mlrd soʻm boʻlgan baholangan aktiv sifatida aks ettirilgan. MChJning balansida esa MChJning UF ( shuningdek ta’sisi хujjatlarida ham) qiymati 100 mln soʻm deb aks ettirilgan. Avtosanoat auditorlari MChJni qayta roʻyхatdan oʻtkazish chogʻida, jamiyatni oʻtkazgandan soʻng, UF miqdorini 50 mlrd soʻm deb koʻrsatishlari kerak deb fikr bildirilgan. Hozirda bunday nomutanosiblikni qanday tartibga solishni bilmay turishibdi.