Men turmush oʻrtogʻim bilan Oʻzbekistonda tugʻilganmiz, Oʻzbekiston Respublikasining fuqarolari hisoblanamiz. 1997 yilda men homilador holimda Rossiya Federatsiyasining Boshqirdiston Respublikasiga qarindoshlarimnikiga bordim. Shu yerda oʻgʻlim Botirni tugʻdim. Oʻsha vaqtda men tushunarsiz vaziyatlar tufayli pasportimni yoʻqotib qoʻydim. Shuning uchun men Oʻzbekiston Respublikasining Elchiхonasi joylashgan Moskva shahriga borib, oʻz respublikamga qaytish uchun sertifikat olishga majbur boʻldim. Ushbu sertifikat asosida men respublikaga qaytib kelgach, Oʻzbekiston fuqarosining pasportini va bola tugʻilganligi toʻgʻrisidagi guvohnomani oldim. Avgustda oʻgʻlim 16 yoshga toʻladi. Oʻgʻlim Oʻzbekiston fuqarosi hisoblanadimi va u biometrik pasport olishi mumkinmi?