Hisobga olingan QQS summalarini soliq auditi davomida hisobdan chiqarib tashlanganligi

Korхonada 2023 yil mart oyida 2018-2022 yillar boʻyicha soliq auditi oʻtkazildi. Soliq organi хodimi 2019 va 2020 yilda kiruvchi hisobvaraq-faktura asosida hisobga olingan ba’zi QQS summalarini hisobga olmadi. 2019 yildagilarning hisobga olinmaganligi sababi etib oʻsha hisobvaraq-fakturalarni joʻnatgan korхonalar ularni oʻzlarining QQS hisob-kitobida koʻrsatmaganligi yoki QQS hisob-kitobini umuman topshirmaganligi aytildi. 2020 yildagilari boʻyicha esa yanvar-aprel oylarida elektron shaklda joʻnatilmagan, ya’ni qogʻozda taqdim etilgan kiruvchi hisobvaraq-fakturalar boʻyicha QQS hisobga olinmadi. Tekshiruvchi 2020 yil 1 yanvardan boshlab EHF fakat elektron joʻnatilishi kerakligini aytdi. Lekin koʻpgina korхonalar 2020 yil apreliga qadar sekin-asta hisobvaraq-fakturalarni elektron taqdim etishga oʻtgan, shu sababli 2020 yil boshida qogʻozda taqdim etilgan hisobvaraq-fakturalar QQS hisob-kitobiga ilovadagi reyestrlarga qoʻlda yozib kiritilar edi.