Mavsumiy foydalaniladigan asosiy vositalarga amortizatsiya hisoblash

Korxona faoliyati koʻngilochar bogʻ boʻlib, QQS va foyda soligʻi toʻlovchisi. Bogʻ mavsumi yanvar oyi va may-sentyabr oylariga toʻgʻri kelgangili sababli korxona oʻz faoliyatini mavsumiy tarzda amalga oshiradi. Vazirlar Maxkamasining 05.02.1999 yildagi 54-qaroriga ilovadagi Nizomning 1-bandida mahsulot (ishlar, xizmatlar)ning ishlab chiqarish tannarxini hosil qiluvchi xarajatlar tarkibiga asosiy fondlar va ishlab chiqarish ahamiyatiga ega boʻlgan nomoddiy aktivlar amortizatsiyasi kiritiladi deyilgan. Korxona faoliyati mavsumiy boʻlganligi uchun attraksionlarga hisoblanadigan amortizatsiya xarajatlari ham mavsumiy tarzda hisoblanadi hamda jamiyat hisob siyosatida asosiy vositaning amortizatsiya qiymati mavsumiy va nomavsumiy davrga boʻlingan holda teng maromli (toʻgʻri chiziqli) usulda hisoblanishi belgilab oʻtilgan. Nomavsumiy davrdagi amortizatsiya xarajatlari davr xarajatlariga olib boriladi, chunki ularni xizmatlar tannarxiga olib borilsa, xizmatlar tannarxi oshib ketadi.