Men pasportimni biometrik pasportga almashtirish uchun tuman IIBga bordim. Meni darhol bir kabinetga yuborishdi, u yerda fuqaro kiyimidagi kishi 2,5 ming soʻm olib, ariza toʻldirib berdi. Boshqa kabinetda boʻlim boshligʻi ilgari men propiskada boʻlgan joydan 1992 yil uchun 16 va 17-son shakllarni soʻradi. 1992 yilda yashagan joyimga borib, UFK (JEK) pasportchisiga uchrashishim kerakligini aytdi. Shahar pasport stolining boshligʻi ham Hamza tumanidagi pasportchiga yubordi. Pasportchi ushbu ma’lumotlarga ega emasligi va ularni pasport stoli berk konvertda soʻrashi kerakligini aytdi. Arizamni toʻldirgan хodim esa agar men ushbu shakllarni olib kelmasam, pasportni almashtirish yarim yildan koʻpga choʻzilishini aytdi. Nima qilishim va qayerga borishim kerak? Men hozirgi manzil boʻyicha 1993 yilda propiska qilinganman, amaldagi pasportimni ham shu yerdan olganman. Qisqasi, turgan-bitgani sansalorlik.