Qurilishi tugallanmagan turar joy mol-mulk soligʻi ob’yekti boʻlishi

Korхona qurilish faoliyati bilan shugʻullanadi, koʻp qavatli uylarni qurib, ulardagi kvartiralarni sotadi. 2017 yilda 5 qavatli uy qurilishi uchun qaror olingan edi, lekin uy 7 qavatli qurilganligi sababli hozirgi kungacha foydalanishga topshirilmagan, kadastr hujjatlari yoʻq. 2020 yilda ortiqcha qurilgan qavatlarni buzish toʻgʻrisida sud qarori chiqqan. Yaqinda soliq auditi yakunlandi. Ushbu bino boʻyicha 2021-2022-2023 yillar uchun tugallanmagan kurilish ob’yekti sifatida SK 411-moddasi 2-qismi 2-bandiga koʻra 6 mlrd.sum mol-mulk va yer soligʻi qoʻshimcha хisoblandi. Lekin SK 411-moddasi 2-qismi 4-bandida “qurilish tashkilotlari yoki imoratlarni quruvchilar balansida keyinchalik sotish uchun koʻrsatilgan turar joy koʻchmas mulk ob’yektlari, koʻchmas mulk ob’yekti foydalanishga topshirilgandan keyin olti oy oʻtgach” mol-mulk soligʻi toʻlash ob’yekti boʻlishi belgilangan.