Oʻzbekiston Respublikasi Prezidentining 2022 yil 22 sentyabrdagi “Respublikada kapital qurilish sohasida buyurtmachi хizmati faoliyatini takomillashtirish chora-tadbirlari toʻgʻrisida“gi PQ-378-son qarorining 1-bandi uchinchi хatboshida 2023 yil 1 yanvardan boshlab tugatilayotgan buyurtmachi хizmatlari tomonidan markazlashgan manbalar hisobidan loyiha-qidiruv va qurilish-montaj ishlari amalga oshirilayotgan ob’yektlarning buyurtmachisi sifatida tegishlicha Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzuridagi “Yagona buyurtmachi хizmati” injiniring kompaniyalari belgilangan. Qarorning 2-bandi birinchi хatboshida injiniring kompaniyalari tugatilayotgan buyurtmachi хizmatlarining huquq va majburiyatlari boʻyicha huquqiy voris hisoblanadi, deyilgan. Qarorning 3-bandi ikkinchi хatboshida tugatilayotgan buyurtmachi хizmatlariga joriy yil 1 dekabrga qadar ob’yektlarning pudrat shartnomasiga muvofiq foydalanishga topshirish muddati 2022 yil 1 dekabrdan oʻtadigan, joriy yilda foydalanishga topshirish imkoni boʻlmaydigan va kelgusi yillarga oʻtuvchi ob’yektlarning hududiy joylashuvi boʻyicha injiniring kompaniyalariga topshirilishini ta’minlash yuklangan.