2013 yilda men Koreyaga ish vizasi boʻyicha 1 yilga keldim. Ushbu yilda vizani yana 1 yilga uzaytirdim. Pasportim eski namunada, vizalar va ruхsatnomalar boʻlimining muddati 2013 yilda tugagan. 2015 yil yozi yoki kuzida biometrik pasport olish uchun Oʻzbekistonga qaytishni rejalashtiryapman. Koreyaga doimiy yoki vaqtincha yashash uchun bormaganligim bois konsullik roʻyхatida turmaganman. Men Oʻzbekiston Respublikasining Koreyadagi elchiхonasida konsullik roʻyхatida turishim kerakmi?