Sanatoriydagi issiqxona uchun mulk va yer soliqlaridan imtiyozlar

SK 414-m. 1-q. 1-b.ga koʻra, sogʻliqni saqlash muassasalari oʻz faoliyatida foydalanayotgan mol-mulklari uchun mol-mulk soligʻidan, SK 426-m. 2-q. 6-b.ga asosan sogʻlomlashtirish ahamiyatiga molik yerlar - yer soligʻidan ozod qilingan. Imtiyozdan foydalanish yuzasidan murojaat yuborilganda sanatoriya issiqxonasini imtiyozga ega boʻlmagan bino maydoni deb rad etishgan. Sanatoriyning asosiy faoliyat turi — sanatoriy-sogʻliqni saqlash xizmatlarini koʻrsatishdan iborat boʻlib, mazkur faoliyatda dam oluvchilarning sogʻlom ovqatlanishini ta’minlash asosiy yoʻnalishlardan biri hisoblanadi.Sanatoriy tarkibida mavjud issiqxonada sanatoriy oshxonasi uchun zarur boʻlgan meva-sabzavot mahsulotlari yetishtirilib, ushbu mahsulotlar toʻgʻridan-toʻgʻri dam oluvchilar uchun tayyorlanayotgan taomlarda foydalaniladi, tijorat sifatida foydalanilmaydi, ijaraga xam berilmaydi. Bu jarayon sanatoriyning sogʻlom ovqatlanish siyosatida muhim ahamiyat kasb etadi hamda sanatoriy xizmatining bir qismi sifatida qaraladi.