Koʻmir konlaridagi yuzadagi ishlarda band boʻlgan saralovchi, ta’mirlovchi-chilangar, koʻmirda qozonxona mashinisti, elektrgazpayvandchi, elektrmontyorlar Vazirlar Mahkamasining 1994 yil 12 maydagi 250-sonli qaroridagi 3-roʻyxat asosida 5 yil oldin pensiyaga chiqishlari mumkin edi. 2024 yil "Shargʻunkoʻmir" AJda ish oʻrinlari mehnat sharoitlari yuzasidan shahodat koʻrigidan oʻtkazilganda ayrim kasblarda ishlagan xodimlar imtiyozli pensiyaga chiqish huquqidan mahrum boʻldi. Shahodat koʻrigini oʻtkazgan korxona mutaxassislaridan soʻraganimizda 2024 yilda Vazirlar Mahkamasining 1994 yil 12 maydagi 250-sonli qaroriga oʻzgartirish kiritilganligi sababli yuqorida koʻrsatilgan kasblarda ishlagan xodimlar uchun imtiyoz bekor boʻlganligini aytishdi.