Muqobil oʻхshash talab hisobga oʻtkazilishi bilan majburiyatni bekor qilish

Sugʻurta tashkiloti oʻzi qabul qilgan javobgarliklarni boshqa sugʻurta tashkilotiga qayta sugʻurtaga beradi va boshqa sugʻurta tashkiloti oʻzi qabul qilgan javobgarlikni mazkur sugʻurta tashkilotiga qayta sugʻurtaga beradi. Misol uchun, A sugʻurta tashkiloti oʻzidagi mavjud javobgarliklarni B sugʻurta tashkilotiga 500 mln soʻm sugʻurta mukofoti evaziga qayta sugʻurta qiladi. B sugʻurta tashkiloti oʻzidagi mavjud javobgarliklarni 490 mln soʻm sugʻurta mukofoti evaziga A sugʻurta tashkilotiga qayta sugʻurta qildiradi. A sugʻurta tashkiloti B sugʻurta tashkiloti bilan solishtirma dalolatnoma yordamida oʻzaro hisobga kitob qilib, qoldiq (500-490) 10 mln soʻmni B sugʻurta tashkiloti hisobraqamiga oʻtkazib bermoqchi.