Korxona quyidagi faoliyatni amalga oshirishni rejalashtirmoqda. Mol yetkazib beruvchilardan omborga vositachilik (topshiriq) shartnomasi asosida tovarlar qabul qilib olinadi. Mazkur tovarlar mol yetkazib beruvchining mulki hisoblanadi. Vakolatli shaxs (vositachi) esa ushbu qabul qilingan tovarlarni marketing qilish, reklama qilish va sotishni tashkil etish, shuningdek sotilgan mahsulot uchun hisob-kitoblarni amalga oshirish majburiyatini oladi. Hisob-kitob shartlarini quyidagicha belgilash nazarda tutilmoqda. Vositachi shartnoma doirasida yetkazib berilgan mahsulotning sotish narxini (ustamasini) bozor kon’yunkturasidan kelib chiqqan holda mustaqil ravishda belgilaydi. Bunda vositachi mol yetkazib beruvchi bilan kelishilgan mahsulot tannarxi (ulgurji narxi)ni toʻlash majburiyatini oladi. Mahsulotning belgilangan tannarxidan yuqori narxda sotilishi natijasida yuzaga kelgan farq toʻliq ravishda vositachi tasarrufida qoladi va uning vositachilik haqi sifatida e’tirof etiladi.