DM mavjud boʻlganda yoki boʻlmaganda norezidentning import xizmatlariga soliq solish

Xorijiy kompaniya (A korxona) va Oʻzbekiston Respublikasida faoliyat yurituvchi korxona (B korxona) oʻrtasida ishlab chiqarish jarayoni bilan bogʻliq boshqaruv, texnik va maslahat xizmatlarini koʻrsatish boʻyicha import shartnomasi tuzilgan. Shartnoma shartlariga muvofiq, xorijiy kompaniya xodimlari xizmatlar koʻrsatish uchun Oʻzbekiston Respublikasi hududiga kelib, xizmatlar koʻrsatdilar. Xizmat koʻrsatish muddati 183 kundan oshdi. Shartnomada koʻrsatilgan barcha xizmatlar toʻliq koʻrsatildi, koʻrsatilgan xizmatlar tegishli hujjatlar bilan rasmiylashtirildi, shartnoma boʻyicha toʻlovlar esa 100% miqdorida amalga oshirildi. Shu bilan birga, 183 kunlik muddat tugagach, xorijiy kompaniya Oʻzbekistonda oʻz xodimlari bilan doimiy muassasa tashkil etmadi.