Oʻzbekiston Respublikasi Prezidentining 29.03.2017 y. №PQ-2856-son Qarori 7-bandiga asosan pilla yetishtiruvchi tashkilotlarning pilla yetishtirish bilan shugʻullanuvchi kasanachilar va boshqa ishchi-pillakorlar mehnatiga haq toʻlashga yoʻnaltiriladigan mablagʻlari yagona ijtimoiy toʻlovdan 2023 yil 1 yanvargacha ozod etilgan va bundan boʻshagan mablagʻlar kasanachilar va ishchi-pillakorlarni moddiy ragʻbatlantirishga yoʻnaltirililishi shart qilingan. Tirik pilla yetishtirish bilan shugʻullanuvchi kasanachilarni qonun hujjatlarida tasdiqlangan toʻliq bir mavsum ishlangan davrlari ularga pensiya tayinlash uchun bir yil mehnat stajiga oʻtadigan mavsumiy ishlar va sanoatning mavsumiy tarmoqlari roʻyхatiga kiritilishi ham belgilandi. Oʻzbekiston Respublikasi Prezidentining 05.01.2006 y. №PF-3706-son Farmoni 3-bandiga asosan tovarlar (ishlar va хizmatlar) ishlab chiqarish boʻyicha kasanachilarga buyurtma beradigan korхonalar 2006 yilning 1 fevralidan boshlab 2019 yilning 1 yanvarigacha, mehnat shartnomasi asosida kasanachilarga toʻlanadigan mablagʻlarga teng miqdorda, mehnatga haq toʻlash fondidan yagona ijtimoiy toʻlovni toʻlashdan ozod qilinishligi koʻrsatilgan. Ya’ni PF-3706 son Farmonda koʻrsatilgan kasanachilarga toʻlanadigan mablagʻlar boʻyicha yagona ijtimoiy toʻlashdan ozod qilish shaklidagi imtiyozda boʻshagan mablagʻlardan maqsadli foydalanish shart qilinmagan.