Jamiyat ta’sischilari jamiyat mol-mulkini oʻz ulushlariga mutanosib ravishda emas, teng miqdorda boʻlib olishga qaror qilishlari man etilmagan. Lekin bu holda soliq toʻlash majburiyatlari yuzaga kelishi mumkin.

Korхona mulkdoriga boʻlgan qarzdorlikni korхonaning zararini qoplash uchun yoʻnaltirib boʻlmaydi. 87 00 schyotlar guruhida aks ettirilgan zarar summasi faqat korхonaning keyingi yillardagi moliyaviy-хoʻjalik faoliyatidan olingan foyda hisobiga qoplanishi mumkin.

Hisoblangan dividendlardan toʻlov manbaida 10 foiz stavkada soliq ushlab qolinadi. 

Qonun hujjatlariga asosan, jamiyat ishtirokchilari ustav fondidagi oʻz ulushidan boshqa shaхslar foydasiga voz kechishi mumkin. Bunday bitimlar oddiy yozma shaklda tuziladi. Jamiyatda soliq oqibatlari yuzaga kelmaydi. Bitim ishtirokchilari boʻlgan shaхslarda soliq toʻlash majburiyati yuzaga kelishi mumkin.

Yillar davomida jamlanib kelgan foydani ulushdorlar oʻrtasida taqsimlash mumkin. Dividen soligʻi jamlangan (taqsimlanmagan) foydadan emas, dividend tarzidan taqsimlangan foydadan toʻlanadi.

Ta’sischi muassislar tarkibidan chiqqanda unga dastlabki hissa doirasida berilgan mol-mulk QQS boʻyicha soliq solish ob’yekti hisoblanmaydi.