Korxona TMZga boʻlgan mulk huquqi oʻtkazilmasdan uni oʻz balansiga kirim qila olmaydi.

Chet el valyutasida xarid qilingan tovar-moddiy zaxiralarning tannarxi ularning xarid qilinganligini tasdiqlovchi boshlangʻich hisob hujjatlarida (tovarning kuzatuv hujjatlari yoki bojxona yuk deklaratsiyasida) koʻrsatilgan qiymatidan kelib chiqib, ularni buxgalteriya hisobiga qabul qilish sanasidagi Markaziy bank kursi boʻyicha qayta hisoblash yoʻli bilan soʻmda belgilanadi, unga tegishli xarajatlar ham kiritiladi.

TMZ xarid qilinganda uni xarid qilish bilan bevosita bogʻliq barcha xarajatlar (qoplanmaydigan soliq summalaridan tashqari) TMZning xarid qilish qiymatiga kiritiladi.

Tovarlarni BYuDda koʻrsatilgani kabi kirim qiling.

YaTT buxgalteriya hisobini yuritmaydi. Unda buxgalteriya oʻtkazmalari, korxonalardagi kabi kirim hujjatlari boʻlmaydi.

Materiallar import shartnomalari boʻyicha xarid qilinganda, 1510-"Materiallarni tayyorlash va xarid qilish" schyotidan foydalanishni tavsiya etamiz.

Import qilinadigan qogʻozni netto ogʻirlik boʻyicha aks ettirish lozim.

21-son BHMSga amal qiling.

Import qilingan tovar-moddiy boyliklar va boshqa aktivlarni sotib olish bilan bogʻliq boʻlgan xarajatlarni har bir tovar-moddiy boyliklari boʻyicha identifikatsiya qilish mumkin boʻlgan hollarda, ushbu xarajatlar aniq tovar, xom ashyo yoki uskuna tannarxiga kiritiladi.

TMZ tannarxi xarid qiymati va uni xarid qilish bilan bogʻliq boshqa xarajatlardan tashqil topadi.

Import qilingan materiallar tannarxiga materiallarning shartnoma qiymati va ularni xarid qilish bilan bogʻliq boʻlgan barcha xarajatlar kiritiladi (bojxona toʻlovlari, deklarant va transport xizmati uchun toʻlov, sertifikatsiyalash bilan bogʻliq xarajatlar va boshqalar).