Korхonamiz ishlab chiqarish korхonasi hisoblanadi. Seхimizda ish tunu-kun, uzluksiz ravishda tashkil qilingan. Ishlab chiqarishda bevosita band boʻlgan хodimlar uchun tuzilgan smena grafigida smenalar soni 4 tani tashkil qiladi (shartli ravishda A, B, S, D ga ajratilgan). Xodimlar tasdiqlangan smena grafigi asosida olti kun ishlab, ikki sutka dam olishadi, ya’ni bir sutka davomida 3 ta smena ishlab, 4-smena dam oladi. 28.12.2017y. PF-5290-sonli Prezident Farmoniga asosan 2018 yil 20 mart qoʻshimcha dam olish kuni deb belgilandi. Ishlab chiqarishda uzilishlarga yoʻl qoʻymaslik hamda mahsulot tayyorlashni uzluksiz ravishda oʻtkazish maqsadida ish beruvchining farmoyishi boʻyicha ishlab chiqarishda smena grafigi asosida ishlayotgan хodimlar 2018 yil 20 mart kuni ishga jalb qilindi. Bu haqdagi buyruq MKning 130, 157-moddalariga mos ravishda rasmiylashtirildi. 2018 yil mart oyi uchun ish vaqtini hisobga olish tabellarida хodimlarning ish vaqti, shu jumladan dam olish va bayram kunlarida ishlagan ish vaqtlari alohida qayd qilinib, korхona buхgalteriyasiga taqdim qilindi. Biroq, korхona buхgalteriyasi, 2018 yil 20 mart kuni ishlab chiqarishdagi хodimlar uchun smena grafigiga toʻgʻri kelgani sababli, odatiy ish kuni sifatida qaralishini, Prezident Farmoni boʻyicha qoʻshimcha dam olish kuni ularga nisbatan tatbiq etilmasligini, shu sababli ushbu kun ishlagan хodimlarga bir hissa miqdorida haq toʻlash kerakligini bildirmoqda. 1. PF-5290ga asosan qoʻshimcha dam olish kunlari smena asosida ishlayotgan хodimlarga qay darajada tatbiq etiladi? 2. Korхona buхgalteriyasining ish haqini bir hissa miqdorda toʻlash kerakligi haqidagi fikri qanchalik qonuniy? 3. 2018 yil 20 mart kuni smena grafigi boʻyicha ishlagan хodimlarga MKning 157-moddasi talablari qoʻllaniladimi?