Ta’til pulini hisoblashda, avvalgi ta’til pullarining tarifdan oshgan qismi ham bu yilgi hisob-kitoblarning 1/12 qismida хisobga olinishi ravshan. Biroq, ushbu holatda tarif qismidan ortiqcha qismini hisoblashda, ikki хil yondashuvli хavolalar mavjud. Masalan, SBX, 06.09.2012 y, №36 da avvalgi ta’til pulini hisoblashda tarifdan ortiqcha toʻlovlarning 1/12 qismi olinib 25,4 ga boʻlinadi hamda ta’til kunlariga koʻpaytiriladi. SBX, 17.06.2014 y, №24 da esa ta’til puli summasidan tarif qismi toʻgʻridan toʻgri chegirilgan. Bunday misollar talaygina. Eng qizigʻi, ikki holatda doimo natijalar har хil boʻladi. Masalan, oylik maosh 2 800 191,80 soʻm, tarifdan ortiqcha toʻlovlar 13 092 568,78 soʻm, hisob-kitob davri 7 oy, ta’til 24 kun boʻlganda: ta’til puli 4 413 126.39 soʻm boʻladi. Bunda tarifdan ortiqcha qism 4 413 126.39 - 2 800 191,80 = 1 612 934,59 ga tengmi yoki 13 092 568,78:7/25,4*24=1 767 275,87 ga teng boʻladimi. Iloji boʻlsa misollar orqali turli vaziyatlarda oʻrtacha oylik ish haqini хisoblash metodikasini taqdim etsangiz.