Таътил пулини ҳисоблашда, аввалги таътил пулларининг тарифдан ошган қисми ҳам бу йилги ҳисоб-китобларнинг 1/12 қисмида хисобга олиниши равшан. Бироқ, ушбу ҳолатда тариф қисмидан ортиқча қисмини ҳисоблашда, икки хил ёндашувли хаволалар мавжуд. Масалан, СБХ, 06.09.2012 й, №36 да аввалги таътил пулини ҳисоблашда тарифдан ортиқча тўловларнинг 1/12 қисми олиниб 25,4 га бўлинади ҳамда таътил кунларига кўпайтирилади. СБХ, 17.06.2014 й, №24 да эса таътил пули суммасидан тариф қисми тўғридан тўгри чегирилган. Бундай мисоллар талайгина. Энг қизиғи, икки ҳолатда доимо натижалар ҳар хил бўлади. Масалан, ойлик маош 2 800 191,80 сўм, тарифдан ортиқча тўловлар 13 092 568,78 сўм, ҳисоб-китоб даври 7 ой, таътил 24 кун бўлганда: таътил пули 4 413 126.39 сўм бўлади. Бунда тарифдан ортиқча қисм 4 413 126.39 - 2 800 191,80 = 1 612 934,59 га тенгми ёки 13 092 568,78:7/25,4*24=1 767 275,87 га тенг бўладими. Иложи бўлса мисоллар орқали турли вазиятларда ўртача ойлик иш ҳақини хисоблаш методикасини тақдим этсангиз.