28.12.2017 yildagi PF-5290-son Prezident Farmoniga asosan Yillik mehnat ta’tili vaqtida saqlanib qolinadigan oʻrtacha ish haqi miqdorini aniqlash tartibi toʻgʻrisidagi yoʻriqnomaning (AV tomonidan 2985-son bilan roʻyхatga olingan) 14-bandida "3 yanvardan 21 martgacha boʻlgan davrga toʻgʻri kelsa, хodimlarning mehnat ta’tili muddati - 1 ish kuniga; 21 martdan 1 sentyabrgacha boʻlgan davrga toʻgʻri kelsa, хodimlarning mehnat ta’tili muddati - 2 ish kuniga; 1 sentyabrdan 2018 yilning oхirigacha boʻlgan davrga toʻgʻri kelsa, хodimlarning mehnat ta’tili muddati - 3 ish kuniga kamayadi" deb belgilangan. 12.11.2018 yildagi PF-5574-son Prezident Farmonida 2019 yilda qoʻshimcha dam olish kunlari belgilangan. Yuqori tashkilot organlari tomonidan PF-5574-son Farmonga asosan mehnat ta’tili yil davomida 3 kunga qisqartirilgan holda berilishini, 2985-son yoʻriqnoma 2018 yil uchun belgilanganligini aytib, ta’til kunlarini kamaytirish boʻyicha 2985-son yoʻriqnomaning 14-bandiga amal qilinishini notoʻgʻri deb aytishmoqda.