28.12.2017 йилдаги ПФ-5290-сон Президент Фармонига асосан Йиллик меҳнат таътили вақтида сақланиб қолинадиган ўртача иш ҳақи миқдорини аниқлаш тартиби тўғрисидаги йўриқноманинг (АВ томонидан 2985-сон билан рўйхатга олинган) 14-бандида "3 январдан 21 мартгача бўлган даврга тўғри келса, ходимларнинг меҳнат таътили муддати - 1 иш кунига; 21 мартдан 1 сентябргача бўлган даврга тўғри келса, ходимларнинг меҳнат таътили муддати - 2 иш кунига; 1 сентябрдан 2018 йилнинг охиригача бўлган даврга тўғри келса, ходимларнинг меҳнат таътили муддати - 3 иш кунига камаяди" деб белгиланган. 12.11.2018 йилдаги ПФ-5574-сон Президент Фармонида 2019 йилда қўшимча дам олиш кунлари белгиланган. Юқори ташкилот органлари томонидан ПФ-5574-сон Фармонга асосан меҳнат таътили йил давомида 3 кунга қисқартирилган ҳолда берилишини, 2985-сон йўриқнома 2018 йил учун белгиланганлигини айтиб, таътил кунларини камайтириш бўйича 2985-сон йўриқноманинг 14-бандига амал қилинишини нотўғри деб айтишмоқда.