Import chogʻida kechiktirib toʻlash imkoniyati berilgan QQSni toʻlanmaguncha hisobga olish mumkin emas

Korхona 2020 yil yanvar oyida 27.06.2019 y. №PF-5755 sonli Farmoning 10- bandiga asosan bojхonada toʻlanadigan QQS boʻyicha 120 kunga kechiktirib toʻlash imtiyozidan foydalangan. Soliq kodeksining 266-modda 1-qism 3-bandiga asosan tovarlar olib kirilgan (import qilingan) taqdirda soliq byudjetga toʻlanganda, ya’ni bizning vaziyatda 120 kundan soʻng hisobga olish mumkinligi koʻrsatib oʻtilgan. Demak, yanvar oyida BYuDda koʻrsatilgan QQS summasini hisobga olish mumkin emas. Yanvar oyi QQS hisoboti topshirilganda sotuv boʻyicha hisoblangan QQS summasi (4,5 mlrd soʻm) hisobga olinishi mumkin bulgan summadan (120 mln soʻm) koʻpligi uchun hisoblangan QQS soligʻi (4,5 mlrd - 120 mln = 4,38 mlrd soʻm) toʻlanmoqda. №PF-5755-sonli Farmonda koʻrsatilgan imtiyoz aslida 120 kunga emas, 30 kunga berilgan boʻlib chiqmoqda.