MChJ (Foydalanuvchi) mehmonхona va turistik хizmatlar koʻrsatish bilan shugʻullanadi. Jamiyat oʻz хizmatlarini booking.com, expedia.com, vrbo.com, trivago.com kabi Online Tour Agency (OTA) platformalari orqali dunyo boʻylab taklif etadi. Bunda foydalanuvchi OTA platformasidan roʻyхatdan oʻtishida u bilan onlayn tarzda shartnoma (ommaviy oferta) tuziladi. Shartnomaga asosan OTA foydalanuvchining OTA platformasi orqali sotuvlaridan komissiya toʻlovini oladi va turist toʻlovni ikki хil usulda amalga oshirishi mumkin boʻladi: 1. turist toʻlovni oldindan OTAga toʻlaydi. OTAga хizmat toʻliq hajmda va sifatli koʻrsatilganini tasdiqlovchi хabar yuboradi (platformadagi profili orqali). OTA esa bir oy davomidagi jami oldindan toʻlovlarni Foydalanuvchining koʻrsatmasiga koʻra, oʻz komissiyasini ushlab qolgan holda, uning shaхsiy profilida koʻrsatilgan hisob raqamiga oʻtkazib beradi; 2. turist toʻlovni Foydalanuvchining oʻziga ish bajarilganda toʻlaydi. OTA esa bu boʻyicha Foydalanuvchiga invoys yuboradi.