Mehmonxona tomonidan soliq imtiyozlari va preferensiyalarining qoʻllanilishi

Korxona umumbelgilangan soliq toʻlovchisi boʻlib, mehmonxona faoliyati bilan shugʻullanadi, shuningdek, xonalarni ijaraga beradi. Bino yertoʻla bilan birgalikda 7 qavat, mehmonxona 3-5 qavatlarda joylashgan, mehmonxona faoliyati uchun sertifikat 2020 yilda olingan. 2021 yil 9 fevraldagi №PF-6165-son Farmonga asosan korxona 2021 yil uchun yer soligʻi va mol-mulk soligʻi boʻyicha imtiyoz qoʻlladi. Bunda imtiyozni qavatlar sonidan kelib chiqib 3/7 nisbatda qoʻlladi. Mehmonxona faoliyatidan daromad olish 2021 yil oktyabrdan boshlandi. Ijtimoiy soliq boʻyicha 1%li stavkani 2021 yil oktyabrdan boshlab qoʻlladi. Korxonada direktor, qoʻriqlash xodimi, oshpaz, kir yuvuvchi, farrosh va ta’minotchi ishlaydi.