Меҳмонхона томонидан солиқ имтиёзлари ва преференцияларининг қўлланилиши

Корхона умумбелгиланган солиқ тўловчиси бўлиб, меҳмонхона фаолияти билан шуғулланади, шунингдек, хоналарни ижарага беради. Бино ертўла билан биргаликда 7 қават, меҳмонхона 3-5 қаватларда жойлашган, меҳмонхона фаолияти учун сертификат 2020 йилда олинган. 2021 йил 9 февралдаги №ПФ-6165-сон Фармонга асосан корхона 2021 йил учун ер солиғи ва мол-мулк солиғи бўйича имтиёз қўллади. Бунда имтиёзни қаватлар сонидан келиб чиқиб 3/7 нисбатда қўллади. Меҳмонхона фаолиятидан даромад олиш 2021 йил октябрдан бошланди. Ижтимоий солиқ бўйича 1%ли ставкани 2021 йил октябрдан бошлаб қўллади. Корхонада директор, қўриқлаш ходими, ошпаз, кир ювувчи, фаррош ва таъминотчи ишлайди.