Moliyaviy sanksiyalarni 2 baravarga kamaytirib toʻlash imkoniyati

Korхonada onlayn-NKM ishlatilmaganligi uchun sayyor soliq tekshiruvi oʻtkazilgan. Tekshiruv natijasida 10 000 soʻmlik savdo uchun onlayn-NKM cheki berilmaganligi va korхona kassasida mavjud 48 000 soʻm mablagʻ onlayn-NKM fiskal modulida aks ettirilmaganligi aniqlandi. Shunga koʻra, Soliq kodeksining 221-moddasi boʻyicha 5 000 000 soʻm va 223-moddasi boʻyicha 9 600 soʻm (48 000 х 20 %) soʻm jarima hisoblangan. 221-modda boʻyicha hisoblangan jarima summasi qaror qabul qilingandan oʻn kun ichida toʻlangan, lekin DSI tomonidan Soliq kodeksining 218-moddasi boʻyicha jarima summasi ikki barobarga kamaytirilmagan. DSI хodimlari har ikkala jarima boʻyicha umumiy hisob-kitob qilgan holda 5 004 800 soʻm toʻlanishi kerak edi deb aytmoqda. Biroq SK 218-moddasida moliyaviy sanksiyalar har bir qoidabuzarlik uchun alohida undirilish kerak.