Молиявий санкцияларни 2 бараварга камайтириб тўлаш имконияти

Корхонада онлайн-НКМ ишлатилмаганлиги учун сайёр солиқ текшируви ўтказилган. Текширув натижасида 10 000 сўмлик савдо учун онлайн-НКМ чеки берилмаганлиги ва корхона кассасида мавжуд 48 000 сўм маблағ онлайн-НКМ фискал модулида акс эттирилмаганлиги аниқланди. Шунга кўра, Солиқ кодексининг 221-моддаси бўйича 5 000 000 сўм ва 223-моддаси бўйича 9 600 сўм (48 000 х 20 %) сўм жарима ҳисобланган. 221-модда бўйича ҳисобланган жарима суммаси қарор қабул қилингандан ўн кун ичида тўланган, лекин ДСИ томонидан Солиқ кодексининг 218-моддаси бўйича жарима суммаси икки баробарга камайтирилмаган. ДСИ ходимлари ҳар иккала жарима бўйича умумий ҳисоб-китоб қилган ҳолда 5 004 800 сўм тўланиши керак эди деб айтмоқда. Бироқ СК 218-моддасида молиявий санкциялар ҳар бир қоидабузарлик учун алоҳида ундирилиш керак.