“Davlat xaridlari toʻgʻrisida”gi Qonunning 51-moddasi 12-xatboshisida quyidagi qoida belgilangan: “Agar tanlab olingan ofertani taklif qilgan ishtirokchi narx soʻrovini qabul qilmasa yoki rad etsa, davlat buyurtmachisi oʻz xohishiga koʻra mazkur ishtirokchi bilan shartnomani rasmiylashtirishi yoki ushbu Qonun talablariga muvofiq boshlangʻich narxni pasaytirish uchun oʻtkaziladigan auksion yoki eng yaxshi takliflarni tanlash orqali xaridni amalga oshirishi mumkin. Bunda javobgarlik davlat buyurtmachisining zimmasiga yuklatiladi”. Demak, elektron doʻkondagi savdoda narx PQ-2647 da belgilangan savdo ustamasi chegarasidan oshganda javobgarlik davlat buyurtmachisi zimmasida boʻladi. Qonunning 54-moddasi 3-xatboshisida esa quyidagi qoida belgilangan: “Auksionni oʻtkazish chogʻida ishtirokchilar auksion boshlangan paytdan e’tiboran va u tamom boʻladigan paytga qadar butun muddat ichida narx boʻyicha takliflarni cheklanmagan miqdorda berishga haqli”. Demak, auksion orqali savdolarda narxlar umuman chegaralanmagan.