Ta’lim uchun haq toʻlanganda onlayn-NKM yoki virtual kassa cheklarini urib berish

Korхona ta’lim хizmatlarini koʻrsatadi. Virtual kassa oʻrnatiladi. Daromadlar, hisoblash usuli boʻyicha tan olinishi sababli, ta’lim oluvchilarni ota-onalarining JShShIRga har oyda EHF taqdim etiladi. Joriy oyda ta’lim uchun toʻlovni amalga oshirgan ota-onalar uchun QR-kodli virtual kassa cheki urib beriladi. Cheklarning summalari avtomatik ravishda soliq solinadigan bazaga borib oʻtiradi va QQS boʻyicha soliq hisobotida aks ettiriladi. Ba’zida ota-onalar ta’lim pulini oʻz vaqtida toʻlashmaydi. Masalan, 3 oy davomida ta’lim uchun haq toʻlanmasdan qoladi, ota-onaning JShShIRga har oyda EHF taqdim etilib kelinadi, 3 oydan soʻnggina ota-ona keladi va qarzni qoplab beradi. U toʻlangan haqning butun summasiga QR-kodli chekni talab qiladi. Agar bunday chek urib beriladigan boʻlsa, toʻlov summasi avtomatik ravishda ikkinchi marotaba soliq bazasiga qoʻshiladi, chunki birinchi marotaba chek urilganda ham EHFdagi tegishli summalar qoʻshilgan boʻladi.