Таълим учун ҳақ тўланганда онлайн-НКМ ёки виртуал касса чекларини уриб бериш

Корхона таълим хизматларини кўрсатади. Виртуал касса ўрнатилади. Даромадлар, ҳисоблаш усули бўйича тан олиниши сабабли, таълим олувчиларни ота-оналарининг ЖШШИРга ҳар ойда ЭҲФ тақдим этилади. Жорий ойда таълим учун тўловни амалга оширган ота-оналар учун QR-кодли виртуал касса чеки уриб берилади. Чекларнинг суммалари автоматик равишда солиқ солинадиган базага бориб ўтиради ва ҚҚС бўйича солиқ ҳисоботида акс эттирилади. Баъзида ота-оналар таълим пулини ўз вақтида тўлашмайди. Масалан, 3 ой давомида таълим учун ҳақ тўланмасдан қолади, ота-онанинг ЖШШИРга ҳар ойда ЭҲФ тақдим этилиб келинади, 3 ойдан сўнггина ота-она келади ва қарзни қоплаб беради. У тўланган ҳақнинг бутун суммасига QR-кодли чекни талаб қилади. Aгар бундай чек уриб бериладиган бўлса, тўлов суммаси автоматик равишда иккинчи маротаба солиқ базасига қўшилади, чунки биринчи маротаба чек урилганда ҳам ЭҲФдаги тегишли суммалар қўшилган бўлади.